Qańtardaǵy aıazdar kómir túsirý kestesine kedergi keltirdi - Bozymbaev

PAVLODAR. QazAqparat  - Qazaqstanda 2017 jyly turmystyq-kommýnaldyq qajettilikter úshin 12,5 mln tonna kómir túsirildi, dep habarlaıdy «QazAqparat» HAA tilshisi.

Ekibastuzda ótken keńeste QR Energetıka mınıstri Qanat Bozymbaev 2017 jyly Qazaqstanda onyń aldyńǵy jylmen salystyrǵanda kómir 8,3 paıyzǵa artyq óndirilgenin aıtty. Turmystyq-kommýnaldyq maqsatta respýblıka boıynsha 12,5 mln tonna kómir túsirilgen. 

Bozymbaevtyń aıtýynsha, elimizde kómir óndirisiniń kólemi ulǵaıyp keledi. Ol sonymen qatar, qańtardaǵy qatty aıazdar kómir túsirý kestesine kedergi keltirgenin jetkizdi.

Almatydaǵy birqatar eldi mekender men temirjol tuıyqtarynda, ShQO, Almaty, Jambyl oblystarynda kómir tapshylyǵy baıqaldy.

«Kómirmen qamtamasyz etý máselesi jergilikti basqarý organdarynyń quzyrynda», - dedi Energetıka mınıstri.