Qańtarda urlanǵan 2 myńnan astam qarý tabylmaı jatyr - ІІM
«Qańtar oqıǵasy» kezinde urlanǵan 1,5 myń dana qarýdy azamattar óz erkimen tapsyrdy. Osy oraıda olardyń azamat retindegi joǵary úlesin atap ótý kerek. Ókinishke qaraı, qazirgi tańda jappaı tártipsizdikter kezinde urlanǵan 2026 dana qarýdyń qaı jerde ekeni belgisiz. Sondyqtan qoldy bolǵan qarýlardy izdep tabý jumysy jalǵasyp jatyr», - dedi Sanjar Ádilov Ortalyq kommýnıkatsııalar qyzmetinde ótken brıfıngide.
Sondaı-aq Іshki ister mınıstrliginiń ókili azamattardy zańsyz saqtap otyrǵan qarýdy tapsyrýǵa shaqyrdy.
«Zańsyz saqtalǵan qarýlardy tapsyrýǵa shaqyramyn. Qarýdy óz erkimen tapsyrǵan jaǵdaıda qylmystyq jáne ózge de jaýapkershilikten bosatýǵa kepildik beriledi», - deıdi ol.
Buǵan deıin Sanjar Ádilov «qańtar oqıǵasy» boıynsha kináli dep tanylyp, bos bostandyǵynan aıyrylǵandarǵa qatysty málimetpen bólisken edi.