Qańtarda órtenip ketken Almaty ákimdigi ǵımaratyn jóndeýge 17 mlrd teńge qajet

ALMATY. QazAqparat – Almaty ákimdigi ǵımaratyn qalpyna keltirý jumystary jalǵasyp jatyr. Onyń qasbeti saqtalady. Bul týraly onlaın brıfıng barysynda Almaty qalalyq qurylys basqarmasy basshysynyń orynbasary Ulan Ońalbaev málim etti, dep habarlaıdy QazAqparat tilshisi.

Spıkerdiń sózinshe, Almaty ákimdiginiń ǵımaratyn qaıta qalpyna keltirý úshin arnaıy jobalyq-smetalyq qujattama ázirlendi.

«Birinshi kezeńdegi jobalyq-smetalyq qujattama úsh pavılonǵa arnalǵan. Qurylys-montaj jumystarynyń jalpy quny - shamamen 13 mlrd teńge. Eń úlken pavılon tórtinshisi bolmaq. Soǵan sáıkes, ekinshi kezeńde jobalyq-smetalyq qujattamany ázirlep jatyrmyz. Qyrkúıek aıynyń sońynda aıaqtaýdy josparlap otyrmyz. Quny qorytyndy shyqqan soń anyqtalady, biraq aldyn ala esep boıynsha 4 mlrd teńge shamasynda. ıAǵnı, ǵımaratty jalpy qalpyna keltirýge bizge 17 mlrd teńge qajet», - dedi basqarma ókili.

Sonymen qatar, ol ǵımarattyń qasbeti saqtalatynyn atap ótti.

«Almaty ákimdigi ǵımaratynyń qasbeti barynsha saqtalady, biz burynǵy tarıhı kelbetin qaıtaramyz. Estetıkalyq kórinisti saqtaımyz», — dedi Ulan Ońalbaev.

Buǵan deıin Erbolat Dosaev Almaty ákimdigi ǵımaratyn jóndeý jumystary 2023 jyly aıaqtalatynyn aıtqan bolatyn.