Qańtarda Lexus kóligimen qarý taratqan 3 kúdikti ustaldy

NUR-SULTAN. QazAqparat – QR Bas prokýratýrasynyń 1 qyzmet bastyǵynyń orynbasary Eldos Qılymjanov qańtar oqıǵasynda Lexus kóligimen qarý taratqan 3 kúdikti týraly aıtty, dep habarlaıdy QazAqparat tilshisi.

«Almaty qalasynda 6 qańtarda «Kóktóbe» telemunarasynyń ǵımaratyn basyp alýǵa oqtalǵan bul oqıǵalardyń basqa qatysýshysy anyqtaldy. Strategııalyq nysandy basyp alýdyń negizgi maqsaty - jalǵan aqparat taratý arqyly azamattardyń kóshege shyǵýyn úgitteý úshin teledıdar men radıoarnalardyń jumysyn baqylaý bolǵan. Quqyqtyq tártip kúshteri strategııalyq nysandy basyp alýǵa jol bermedi. Kúdikti adam sottyń sanktsııasymen qamaýda», - dedi ol Ortalyq kommýnıkatsııalar qyzmetinde ótken brıfıngide.

Sondaı-aq ol Almatydaǵy «Anna» qarý-jaraq dúkenin tonady dep kúdikke ilngen 3 azamat týraly málimet berdi.

«Olar 5 qańtarda Lexus markaly avtokólikpen Almaty qalasy «Respýblıka» alańynyń aldyna urlanǵan qarýlardy taratqan.

Bas prokýratýra feık aqparat taratqany úshin qylmystyq jaýaptylyq týraly birneshe ret eskertti.

Aqmola oblysynda osyndaı isterdiń biri boıynsha 3 jyl 6 aı bas bostandyǵyn shekteý túrindegi jaza taǵaıyndaýmen úkim shyǵaryldy», - dedi Eldos Qılymjanov.

Buǵan deıin QR ІІM Tergeý departamentiniń basshysy Sanjar Ádilov qańtar oqıǵasy kezinde ásirese úsh óńirde nysandar qatty tonalǵanyn aıtqan edi.