Qańtarda qandaı sport túrlerinen Parıj Olımpıadasyna joldama sarapqa salynady

<p>2024 jylǵy Parıj Olımpıadasyna qazaqstandyqtardyń qatysýymen ótetin qandaı sport túrlerinen joldamalar sarapqa salynatyny belgili boldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Sportty damytý dırektsııasynyń habarlaýynsha, búginde Indonezııa astanasy Djakarta qalasynda nysana kózdeýden Azııa chempıonaty ótip jatyr. Qurlyqtyq doda 18 qańtarǵa deıin sozylady.

Al 12-22 qańtar aralyǵynda Kýveıttiń El-Kýveıt qalasynda stend atýdan Azııa chempıonatynda aldaǵy Jazǵy Olımpıadaǵa joldama beriledi.

Sondaı-aq 20 qańtarda WA normatıvi boıynsha sporttyq júrýden Túrkııanyń ashyq chempıonaty jalaýyn kóterse, 27 qańtarda Astana qalasynda Ámın Tuıaqov júldesine arnalǵan álemdik týrnır bolady.

Portýgalııanyń Odıvalos qalasynda 26-28 qańtar aralyǵynda dzıýdodan erler men áıelder arasynda reıtıngtik upaı beriletin «Grand Prix Portugal» týrnıri ótedi.

Semserlesý sheberleri 12-24 qańtar aralyǵynda Týnıste qylyshtasýdan básekege tússe, 29-31 qańtar aralyǵynda Katar astanasy Doha qalasynda semserlesýden gran-prı ótedi.