Qańtarda elimizdiń taýar eksporty 86 paıyzǵa artty - UEM
09:20, 15 Naýryz 2022
NUR-SULTAN. QazAqparat – Qańtarda elimizdiń taýar eksporty 86 paıyzǵa artty. Bul týraly Úkimet otyrysynda QR Ulttyq ekonomıka mınıstri Álibek Qýantyrov aıtty, dep habarlaıdy QazAqparat tilshisi.
«Osy jyldyń qańtarynda syrtqy saýda taýar aınalymy 63 paıyzǵa ósip, 8,8 mlrd AQSh dollaryn qurady. Onyń ishinde eksport boıynsha kórsetkish 86 paıyzǵa ósip, 6,1 mlrd AQSh dollaryna deıin jetti», - dedi Álibek Qýantyrov.
Bul rette mınıstr óńdelgen taýarlar eksporty 56 paıyzǵa artyp, 1,7 mlrd AQSh dollaryna deıin jetip otyrǵanyn aıtty.
«Taýarlar ımporty 2,8 mlrd dollardy qurady. Jalpy, oń saýda balansy 3,3 mlrd. AQSh dollaryn qurady», - dedi ol.