Qańtarda Almatyda qaza tapqan snaıperdiń kim ekeni anyqtaldy
«5 qańtar kúni Atyraý oblysynda qylmyskerler polıtsııa qyzmetkerleri men áskerılerge qatysty zorlyq-zombylyq kórsetý arqyly ákimdik ǵımaratyn qıratty. Polıtsııa qyzmetkerleriniń kópshiligi aýyr dene jaraqattaryn alsa da, sońyna deıin qarýdy qoldanǵan joq. Birneshe ret aýaǵa atyp, adam ómirine qaýip tóngen soń polıtsııa qyzmetkerleri qarýdy qoldandy. Nátıjesinde bir snaıper qaza boldy», - dedi ol Ortalyq kommýnıkatsııalar qyzmetinde ótken brıfıngide.
Sondaı-aq tártipsizdikter kezinde oq atqan kúdiktiler týraly málimet aıtty.
«Anaıy prokýrorlar júrgizilgen sot molekýlıarlyq genetıkalyq saraptama nátıjelerimen Almaty qalasynda qaza tapqan snaıperdiń jeke basy anyqtaldy. Barlyǵy 4 oq atýshy boldy. Qaza tapqannyń denesin jaqtastary ózderimen birge alyp, qalalyq aýrýhana mańynda qaldyryp ketken. Keıin ol qalalyq máıithanada anyqtaldy.
Ol «S» esimdi azamat bolyp shyqty. «Qaıǵyly qańtar» oqıǵalary kezinde ol turǵyn úıdiń tóbesinde ornalasyp, Almaty qalasy Polıtsııa departamentiniń qyzmetkerlerin kózdep oq atqan. Qazirgi tańda qalǵan 3 terrorısti anyqtaý boıynsha jedel-izdestirý sharalary júrgizilýde», - dedi Eldos Qılymjanov.
Bas prokýratýra deregi boıynsha, qańtar oqıǵasy kezinde Almaty qalasyndaǵy jappaı tártipsizdikterge 12 uıymdasqan qylmystyq top qatysqan.