Qańtar-shildede qazaqstandyqtardyń naqty tabysy 9,9 paıyzǵa kemidi

ASTANA. QazAqparat - 2016 jyldyń qańtar-shilde aralyǵynda halyqtyń naqty aqshalaı tabystary 9,9 paıyzǵa kemidi. QazAqparat agenttiginiń resmı saýalyna jaýap bergen QR Ulttyq ekonomıka vıtse-mınıstri Tımýr Jaqsylyqov osylaı dedi.

«2016 jyldyń shilde aıyndaǵy baǵalaý boıynsha halyqtyń jan basyna shaqqandaǵy ataýly aqshalaı tabystary 2015 jyldyń sáıkes kezeńimen salystyrǵanda 72 139 teńgeni qurady. Bul 2016 jyldyń shildesinen 6,1 paıyzǵa joǵary. Atalǵan kezeńde naqty aqshalaı tabys 9,9 paıyzǵa kemidi», - delingen resmı jaýapta.

Aıǵa bólgendegi halyqtyń jan basyna shaqqandaǵy tabysy 2015 jyldyń sáıkes kezeńimen salystyrǵanda tómendegideı boldy: qańtarda 98,9, aqpanda 98,4, naýryzda 97,9, sáýirde 91,7, mamyrda 90,5, maýsymda 89,3, shildede 90,1 paıyz.

Buǵan qosa, 2016 jyldyń 1 toqsanynda respýblıka boıynsha halyqtyń ortasha jan basyna shaqqandaǵy naqty tabysynyń aralyq shamaǵa qatysy 3,1-di qurady. Bul kórsetkish Batys Qazaqstan oblysynda barynsha joǵary boldy - 6,9. Eń tómengi kórsetkish Ońtústik Qazaqstan men Jambyl oblystarynda - 2,3.