Kańtar: órt sóndirýshiler megapolısti alapat órtten qutqardy

ALMATY. QazAqparat – Qańtar oqıǵasy kezinde qylmyskerler órt sóndirýshilerge de joıqyn shabýyl jasady. Qyzmetkerler arnaıy tehnıkalaryn saqtap qalý úshin sońyna deıin kúresti. Oıran salýshylar olarǵa órtti sóndirýge kedergi keltirip, uryp-soǵyp, jaraqattaýǵa tyrysty. Degenmen, almatylyq órt sóndirýshiler ózderiniń qyzmettik boryshyn adal oryndap, megapolıstiń kúlge aınalýyna jol bermedi.«QazAqparat» HAA redaktsııasy «Qańtar» arnaıy aıdary aıasynda osy qıyn sátterdi basynan ótkergen órt sóndirýshiniń oqıǵasyn baıandamaq.

Vıdeodan alynǵan kadr

Almaty qalasynyń №5 mamandandyrylǵan órt sóndirý bóliminiń qutqarýshysy Zańǵar Bazarbek qańtar oqıǵasy kezinde jaraqattandy. Biraq, ol óziniń ómirine qaýip tónip turǵanyna qaramastan jumysyn jalǵastyrdy.

Vıdeodan alynǵan kadr

Vıdeodan alynǵan kadr

«5 qańtardan 6 qańtarǵa qaraǵan túni №5 mamandandyrylǵan órt sóndirý bólimine «Qonaev, 135 mekenjaıynda elektr qalqany janyp jatyr degen» jedel aqparat túsedi. Sol kezde bir top adam jınalyp, órt sóndirý qyzmetiniń avtokóligine shabýyl jasaı bastaıdy. Olar №5 órt sóndirý bóliminiń avtokóligin kúshpen tartyp alyp ketedi. Formany tastap, kıimdi aýystyrýymyzǵa týra keldi. Kósheni aralap júrgende bizdiń jeke avtokólikke oq atyldy jáne ol rólde otyrǵan maǵan kelip tıdi. Sol qolyma áldene tıgeni bilindi. Basynda aınanyń synyqtary, ushqyndary dep oıladym. Sodan bólimge kelip, alǵashqy kómek kórsetildi», - deıdi órt sóndirýshi.

Vıdeodan alynǵan kadr

Vıdeodan alynǵan kadr

Redaktsııadan

QazAqparat komandasy Almatyda da, Qazaqstannyń ózge óńirlerinde de Qańtar qasireti kezinde qylmyskerler men tonaýshylardyń áreketin óz kózimen kórgen oqyrmandarymyz az emes ekenine senimdi.

Oqyrmandy óz oqıǵalary jaıly áńgimelep berýge shaqyramyz. Bizge myna elektrondy poshta arqyly hat jazýǵa bolady:

[e-mail]

[e-mail]

Bizben áleýmettik jeliler arqyly da baılanysýǵa bolady:

Telegram: @qazaqparat_kz, @kazinform_news

Facebook: @KazakparatKZ, @Kazınform

Instagram: @qazaqparat_kz, @kazinform.

Qańtar qasireti jaıly aıtylmaǵan oqıǵa qalmaýy kerek.