Qańtar oqıǵasynyń tergeý barysyn depýttar nazarda ustaıdy – Májilis tóraǵasy
«Búin biz qańtar oqıǵalaryna qatysty máselelerdi alǵash ret osyndaı keń formatta talqylap otyrmyz. Búgin áńgime meılinshe ashyq boldy dep oılaımyn. Árıne mán-jaıdy tolyq anyqtaý úshin áli de biraz ýaqyt qajet. Zańdyq turǵydan barlyǵy minsiz boýly qajet. Asyǵystyq tanytýǵa bolmaıdy. Sebebi tarazy basynda bizdiń azamattardyń taǵdyry tur. Bul jóninde Prezıdenttiń «Kinásiz adam jazaǵa tartylmaýy tıis. Kináliler zań júzinde qatań jazalanýy tıis» degen tapsyrmasy bar. Osy tapsyrma múltkisiz oryndalýy kerek», - dedi Erlan Qoshanov Májilistiń jalpy otyrsynda.
Spıker atalǵan másele ári qaraı da Májilis depýtattarynyń baqylaýynda bolatynyn aıtty.
«Májilis depýttarynyń búgin aıtylǵan syn pikirleri men usynystary quqyq qorǵaý organdarynyń basty nazarynda bolady dep oılaımyn. Árıne, bul máseleler búgingi otyryspen ǵana shektelmeıdi. Depýtattar osy máselelerdi ár túrli salalyq komıtetterdiń nemese fraktsııalardyń otyrystarynda qajetti jaǵdaıda talqylap otyratyn bolady», - dedi Májilis tóraǵasy.