Qańtar oqıǵasynyń burmalanýy maqsatty aqparattyq naýqan ekenin túsiný qajet – ІІM

NUR-SULTAN. QazAqparat – Aqparattyq keńistikte qańtar oqıǵalary burmalanyp jatyr. Bul týraly QR ІІM Tergeý departamentiniń bastyǵy Sanjar Ádilov aıtty, dep habarlaıdy QazAqparat tilshisi.

«Qazir aqparattyq keńistikte ótken oqıǵalardyń burmalanyp otyrǵanyna kýá bolyp otyrmyz. Mıtıngilerdiń beıbit sıpaty jáne quqyq qorǵaý kúshteriniń zańsyz áreketi týraly aıtylady. Munyń bári bılik qabyldaǵan sheshimderdiń bedelin túsirý, eń bastysy – jappaı tártipsizdikterdiń uıymdastyrýshylary men qatysýshylary jaýapkershilikten boı tasalaýy úshin jasalady. Qazaqstandyqtar munyń qoǵamdyq sanany aıla-sharǵy jasaý jónindegi maqsatty aqparattyq naýqan ekenin túsinýge tıis. Osyǵan baılanysty azamattardan tek resmı, tekserilgen aqparat kózderine senýdi suraımyn», - dedi Sanjar Ádilov Ortalyq kommýnıkatsııalar qyzmetindegi brıfıng barysynda.