Qańtar oqıǵasynda qaza tapqan polıtsııa jáne áskerı qyzmetkerlerdiń otbasyna baspana berildi

TALDYQORǴAN. QazAqparat - Qasiretti qańtar oqıǵasy kezinde aýyr jaraqat alyp, baqılyq bolǵan 4 polıtsııa jáne áskerı qyzmetkerlerdiń otbasylaryna baspana kiltteri tabystaldy, dep habarlaıdy QazAqparat tilshisi.

2 jáne 1 bólmeli baspanalardyń kiltteri Almaty oblysy polıtsııa departamentiniń jedel áreket etýshi arnaıy jasaǵynyń ınspektory Barǵanaev Darhan Ermekulynyń, Qylmystyq-atqarý júıesi departamentiniń LA-155/16 mekemesiniń qyzmetkeri Erjanov Erbol Tleýbekulynyń, Eskeldi aýdanyndaǵy №21751 jáne Taldyqorǵandaǵy №05232 áskerı bólimderiniń áskerı qyzmetkerleri Smaılkanov Ǵabdolla Ǵalymuly men Nýrkenov Adıl Dýlatulynyń jaqyndaryna tabystaldy.

Almaty oblysynyń ákimi Qanat Bozymbaev marqumdardyń týǵan-týystaryna kóńil bildire kele, el Prezıdenti Qasym-Jomart Toqaevtyń tapsyrmasyna sáıkes, barlyq qajetti qoldaýdyń kórsetilip jatqandyǵyn habarlady. Atap aıtqanda, oblysymyzda qaza bolǵan kúshtik qurylymdardyń 8 qyzmetkerine 5 mln teńgeden materıaldyq kómek kórsetildi. Ekinshi deńgeıli Bankter olardyń 12 mln teńge nesıesin keshirdi.