Qańtar oqıǵasynda 150 adam aýyr qylmys jasady dep kúdiktelýde

NUR-SULTAN. QazAqparat – QR Іshki ister mınıstrliginiń Tergeý departamentiniń bastyǵy Sanjar Ádilov qańtar oqıǵasy boıynsha 150 adam aýyr qylmys jasady degen kúdikke ilingenin málim etti, dep habarlaıdy QazAqparat tilshisi.

«Búgingi tańda ishki ister organdary tergeýshileriniń óndirisinde buryn qabyldanǵan sheshimderdi qospaǵanda, 1150 qylmystyq is bar. Olardyń negizgi bóligin urlyq qylmysy quraıdy – 157. Qarýdyń zańsyz aınalymy boıynsha– 146, qasaqana bótenniń múlkin búldirý boıynsha – 23 is bar.Osy ister boıynsha 150 adam aýyr qylmys jasady degen kúdikpen kúzetpen ustalýda»,

- dedi Tergeý dapeartamentiniń bastyǵy.

Onyń sózine qaraǵanda, kúdiktilerdiń kinási qylmys jasalǵan oryndardan alynǵan beınejazbalarmen, oqıǵany kózben kórgen kýágerlerdiń málimetimen, alynǵan zattarmen dáleldenip jatyr.

«Jaqyn arada qylmystyq protsestiń úsh býyndy modeli sheńberinde jáne prokýrorlarmen kelisý boıynsha osy qylmystyq ister boıynsha túbegeıli protsestik sheshimderdi qabyldaý josparlanýda. Sonymen birge jedel jáne sapaly tergeýdiń nátıjesinde bizdiń tergeýshiler 473 aıyptalýshyǵa qatysty 288 qylmystyq isti aıyptaý aktisimen aıaqtap, sotqa joldady» , - dedi Sanjar Ádilov.

Buǵan deıin QR ІІM Tergeý departamentiniń basshysy Sanjar Ádilov qańtar oqıǵasy kezinde ásirese úsh óńirde nysandar qatty tonalǵanyn aıtqan edi.