Qańtar oqıǵasyna uıymdasqan qylmystyq toptar, destrýktıvti din ókilderi qatysqan
«Bas prokýratýra qańtar oqıǵalaryna baılanysty qylmystyq isterdi tergeý barysy týraly habarlaýdy jalǵastyrýda. Jalpy osy oqıǵalardyń nátıjelerinde elimizde 5 myńnan astam sotqa deıingi tergep-tekserýler tirkeldi. Qıratýlar, memlekettik obektilerdi órteý, múlikterdi joıý jáne terrorızm aktileri Almaty, Shymkent qalalarynda, Aqtóbe, Atyraý, Almaty, Jambyl, Qyzylorda jáne Shyǵys Qazaqstan oblystarynda jasalǵany belgili», - dedi ol Ortalyq kommýnıkatsııalar qyzmetindegi brıfıng barysynda.
Onyń atap ótýinshe, sol qaıǵyly kúnderi qylmyskerler áskerılerge shabýyl jasap, joldyń júrý bóligin japqan, avtokólikterdi órtep, azamattardy tártipsizdikterge qatysýǵa kóndirgen jáne tonaýlar jasaǵan.
«Qoǵamdyq qaýipsizdik pen quqyqtyq tártipti qamtamasyz etýdi buǵattaý úshin olar polıtsııa organdarynyń ǵımarattaryna shabýyldar jasady. Jappaı tártipsizdikterge uıymdasqan qylmystyq toptar, destrýktıvti dinı aǵymdardyń músheleri jáne buryn sotty bolǵan adamdardyń qatysqanyn arnaıy prokýrorlar anyqtady. Búgingi kúni barlyq qylmystyq ister boıynsha 286 kúdikti qamaýda. Olardyń qıratýlarǵa, ǵımarattardy órteýge, qarýlardy jymqyrýǵa, memlekettik obektilerge jáne quqyq qorǵaý organdary qyzmetkerlerine qarýly shabýyl jasaýǵa belsendi qatysqany anyqtaldy», - dedi Nurlybek Sábıtov.
Bas prokýratýra ókiliniń málimetinshe, árbir qamaýǵa alynǵan adam boıynsha olardyń qylmystarǵa qatystylyǵy týraly jetkilikti málimetter bar. Olardyń barlyǵyna qorǵalý quqyǵy, sanıtarlyq normalar, tamaqtaný, dári-dármekter jáne ustaýdyń tıisti jaǵdaılary qamtamasyz etilýde», - dedi ol.