Qańtar oqıǵasyna qatysy bar destrýktıvti aǵymnyń ókili izdeýde júr – Rızabek Ojarov
Májilistiń jalpy otyrysynda depýtat Berik Bekjanov Bas prokýrorǵa qańtar oqıǵasyna qatysy bar destrýktıvti dinı aǵymdar men ekstremıstik uıymdardyń ókilderi týraly suraq qoıdy.
Bul suraqqa QR arnaıy prokýrorlar qyzmetiniń basshysy Rızabek Ojarov jaýap berdi.
«Arnaıy prokýrorlardyń qaraýyndaǵy qylmystyq ister boıynsha destrýktıvti dinı aǵymdardyń 10 ókili jáne tyıym salynǵan ekstremıstik uıymdardyń 20 múshesi kúdikti retinde ustaldy. Destrýktıvti dinı aǵymdy ustaýshy 9 adam qamaýǵa alyndy. Bireýi izdeýde júr. Bireýine ákimshilik ǵımaratty basyp alý, qarý urlaý boıynsha aıyp taǵylǵan. 8 adam jappaı tártipsizdikke qatysty degen kúdik bar. Al ekstremıstik toptarǵa qatysy bar delingen kúdiktilerdiń 19-y qamaýda jatyr. Bireýi eshqaıda ketpeý týraly qolhat jazdy. Olar jappaı tártipsizdik isi boıynsha ótip jatyr. Bul adamdardyń basqa da qylmystarǵa qatysy bar-joǵy anyqtalýda», - dedi Rızabek Ojarov.