Qańtar oqıǵasyna qatysty 323 kúdikti kúzetpen ustaýdan bosatyldy

NUR-SULTAN. QazAqparat – Qańtar oqıǵalary kezinde urlyq jasaý kúdigine ilikken 323 azamat kúzetpen ustaýdan bosatyldy. Bul týraly QR ІІM Tergeý departamentiniń bastyǵy Sanjar Ádilov aıtty, dep habarlaıdy QazAqparat tilshisi.

«Kúdiktilerdiń kóbisi adal azamat bolǵanymen oqıǵa kezinde jyldam baıyp ketemin dep nemese basqa adamdardyń sózine erip, qylmysty jasaǵanda baıqalmaı qalatynyna úmittengeni de anyq. Osyǵan baılanysty olardyń jeke basy, jaǵymdy minezdemeleri men zalaldy ótegeni eskerile otyryp, bultartpaý is-sharasy ózgertildi. 323 kúdikti kúzetpen ustaýdan bosatyldy», - dedi Sanjar Ádilov Ortalyq kommýnıkatsııalar qyzmetindegi brıfıng barysynda.

Onyń dereginshege, 5-6 qańtarda Almaty oblysynyń eki turǵyny Almaty qalasyndaǵy «Ohotnık» dúkeninen ártúrli taýarlardy urlaǵan. Kúdiktiler ustalǵannan keıin sottyń sanktsııasymen kúzetpen ustaýǵa alyndy. Keıinnen kúdiktilerdiń jaǵymdy minezdemesi, buryn sottalmaǵandyǵy, asyraýynda jas balalardyń bolýy, keltirilgen zalaldyń ótelgeni jáne kinásin moıyndaǵany eskerile otyryp, tergeý organynyń qoldaýhaty boıynsha olarǵa bultartpaý is-sharasy eshqaıda ketpeý týraly qolhat berýge ózgertildi.

«Osyǵan uqsas 14 aqpanda Almaty qalasynyń saýda ortalyqtarynan birneshe ret urlyq jasaǵan Almaty oblysynyń 21 jastaǵy turǵyny onyń asyraýynda kári jastaǵy ata-anasynyń bolýyna baılanysty bas bostandyǵynan aıyrýmen baılanysty emes jazanyń taǵaıyndalýyna oraı qamaýdan bosatyldy», - dedi departament bastyǵy.