Qańtar oqıǵasyna qatysqan 72 adam sottaldy

NUR-SULTAN. QazAqparat - Qańtar oqıǵasyna qatysqan 72 adam sottaldy. Bul týraly Májiliste QR Іshki ister mınıstri Marat Ahmetjanov aıtty, dep habarlaıdy QazAqparat tilshisi.

«Qazir polıtsııanyń tergeýinde 2 919 qylmystyq is bar. 1 myńnan astam kúdikti qylmystyq jaýaptylyqqa tartylyp jatyr. Memleket basshysy jazany jeńildetetin jaǵdaılardy eskerýdi tapsyrdy. Sondyqtan osy 400-den asa kúdiktiniń ishinen 219-y qamaýdan bosatyldy. Al, aýyr jáne asa aýyr qylmys jasaǵan 184 kúdikti qamaýda», - dedi mınıstr.

Onyń dereginshe, tergeý barysynda 12 myńnan astam azamattan jaýap alyndy. 2 myńdaı saraptama taǵaıyndaldy.

«Urlanǵan múliktiń kóp bóligi. Búgingi tańda 229 aıyptalýshyǵa qatysty is sotqa joldandy. Qazirdiń ózinde 72 adam sottaldy. Onyń beseýi bas bostandyǵynan aıyryldy. Qalǵandary basqa jazalaryna tartyldy»,- dedi Marat Ahmetjanov.