Qańtar oqıǵasy: Janseıit Túımebaevtiń ulynyń ólimi boıynsha kúdikti ustaldy

ASTANA. QazAqparat – QR Bas prokýratýrasy qańtar oqıǵasy kezinde Almatydaǵy Qazaq ulttyq ýnıversıtetiniń rektory Janseıit Túımebaevtiń ulyn óltirdi degen kúdikpen er adam ustalǵanyn málim etti, dep habarlaıdy QazAqparat tilshisi.

«Ál-Farabı atyndaǵy QazUÝ rektory Janseıit Túımebaevtiń ulynyń ólimine kúdikti ustalyp, qamaýda otyr», - delingen Bas prokýratýranyń habarlamasynda.

Eske salsaq, J.Túımebaevtiń uly bıylǵy qańtardaǵy jappaı tártipsizdikter kezinde belgisiz bireýler qolynan qaza tapqany týraly habarlanǵan edi.

«6 qańtar kúni keshki saǵat 18.35 mınýt shamasynda Almatyda kommendanttyq saǵat bastalmas buryn, Elnar N.Nazarbaev kóshesimen joǵary kóterilip, úıine qaıtyp kele jatqan. Q.Sátbaev kóshesine jetpeı, qıylysta toqtap turǵan sátinde kútpegen jerden kóligine belgisiz adamdar birneshe ret oq atqan. Ol alǵan jaraqat saldarynan oqıǵa ornynda kóz jumdy»,- dep habarlaǵan edi atalǵan oqý ornynyń baspasóz qyzmetinen.