Qańtar oqıǵasy: Jalǵan aqparat taratý faktisi boıynsha 11 qylmystyq is tergelip jatyr

NUR-SULTAN. QazAqparat – Qańtar oqıǵasyna baılanysty jalǵan aqparat taratý faktisi boıynsha 11 qylmystyq is tergelip jatyr. QR Bas prokýratýrasy 1-qyzmet bastyǵynyń orynbasary Eldos Qılymjanov ortalyq kommýnıkatsııalar qyzmetinde ótken brıfıngide osyndaı derek keltirdi, dep habarlaıdy QazAqparat tilshisi.

«Búgingi kúni barlyq qylmystyq ister boıynsha 733 adam qamaýda otyr. Sanıtarlyq norma, tamaqtaný, dári-dármekpen qamtamasyz etý jáne basqalardy qosa alǵanda olarǵa tıisti jaǵdaı jasalǵan. Qylmystyq protseste azamattardyń konstıtýtsııalyq quqyqtaryn saqtaý – prokýratýra organdary qyzmetindegi basym baǵyttardyń biri. Kúdiktilerge qandaı da bir qysym qoldaný faktilerine jol bermes úshin prokýrorlar kúndelikti tergeý ızolıatory men basqa da qyzmettik ǵımarattardy tekserip júr», - degen Bas prokýratýra ókili áleýmettik jelide jalǵan aqparat taratqany úshin qylmystyq jaýapkershilik bar ekenin eskertti.

«Qazirgi ýaqytta osyndaı faktiler boıynsha 11 qylmystyq is tergelýde», - dedi Eldos Qılymjanov.