Qańtar oqıǵasy: Sottyń sanktsııasymen 469 adam qamaýda otyr

NUR-SULTAN. QazAqparat – Qańtar oqıǵasy boıynsha sottyń sanktsııasymen 469 adam qamaýda otyr. Bul týraly Ortalyq kommýnıkatsııalar qyzmetinde QR Bas prokýratýrasy 1-qyzmet bastyǵynyń orynbasary Eldos Qılymjanov aıtty, dep habarlaıdy QazAqparat tilshisi.

«Ótken jolǵy brıfıngide memlekettik nysandarǵa shabýyl jasaýshylardyń is-áreketteri terrorızm aktileri jáne jekelegen tulǵalardyń is-áreketteri jappaı tártipsizdikterge qatysý retinde saralanatyn jaǵdaılar týraly aıtyldy. Vedomstvoaralyq tergeý toby arnaıy prokýrorlardyń basshylyǵymen atalǵan sanattaǵy 91 isti tergeýde, onyń ishinde terrorızm aktileri boıynsha – 46 jáne jappaı tártipsizdikter boıynsha - 45. Bul isterdi tergeý aıasynda sottyń sanktsııasymen 469 adam qamaýda otyr», - dedi E. Qılymjanov.

Onyń aıtýynsha, jeke basyn, jasalǵan qylmystaǵy rólin, tergeýge járdemdesýdi eskere otyryp, 128 kúdiktige qatysty qamaýda ustaý - eshqaıda ketpeý týraly qolhatqa, kepilge jáne jeke kepilgerlikke aýystyryldy.