Qańtar oqıǵasy kezinde polıtsııa qorshaýyn buzyp ótken júrgizýshi izdestirilip jatyr

ALMATY. QazAqparat – Almaty polıtsııasy qańtar oqıǵasy kezinde janarmaı tasıtyn kólikpen polıtsııa qorshaýyn buzyp ótken júrgizýshige izdeý saldy, dep habarlaıdy QazAqparat tilshisi.

«Vedomstvoaralyq jedel-tergeý toby 2022 jyldyń 5 qańtarynda Tóle bı dańǵyly men Sháripov jáne Baıtursynov kósheleriniń qıylysynda, janarmaı tasıtyn kólikpen polıtsııa qorshaýyn buzyp ótken júrgizýshi men oqıǵa kýágerlerin izdestirip jatyr.

Zańsyz áreketti jasaǵan tulǵalar men oqıǵa týraly málimeti bar kez kelgen adamnan Vedomstvoaralyq jedel-tergeý tobyna 8-707-845-54-44 jáne 8-701-110- 02-01 telefon nómirleri arqyly habarlaýyn suraımyz. Syılyqtyń beriletinine kepildik bar»,- delinedi Almaty qalalyq polıtsııa departamentiniń baspasóz qyzmeti taratqan habarlamada.

Eske salaıyq, Bas prokýratýra qańtar oqıǵasy boıynsha elimizde barlyǵy 152 adamnyń sottalǵanyn habarlady.

Sondaı-aq, qańtar oqıǵasy kezinde qarý urlaý jáne ony saqtaýmen baılanysty 17 adam bas bostandyǵynan aıyryldy.