Qańtar oqıǵasy kezinde qaza tapqandardyń balalaryna JOO-ǵa grant beriledi
«Qazaqstan halqyna» qorynyń Qamqorshylyq keńesi 2023 jyldyń 16 qańtarynda ótken kezekti otyrysynda bilim berý granttary boıynsha baǵdarlamanyń sharttaryn keńeıtý jáne oǵan ózgerister engizý týraly sheshim qabyldady.
Qaıǵyly qańtar oqıǵasy kezinde qaza tapqan QR azamattary men jaralanǵan balalardyń otbasylaryna odan ári qaıyrymdylyq kómek kórsetý jáne qoldaý maqsatynda bilim berý granttary boıynsha qoldanystaǵy «Qazaqstan halqyna» QQ bilim berý granttary» baǵdarlamasyna 2022 jylǵy qaıǵyly qańtar oqıǵasy kezinde zardap shekken QR qaza tapqan azamattarynyń balalaryna jáne jaralanǵan balalarǵa granttar men stıpendııalar berý boıynsha ózgerister men tolyqtyrýlar engizildi.
«Qazaqstan halqyna» QQ bilim berý granttary» qaıyrymdylyq baǵdarlamasy aýyl mektepteriniń túlekterin jáne halyqtyń áleýmettik osal toptarynan shyqqan stýdentterdi qoldaýǵa, sondaı-aq Qazaqstan Respýblıkasy azamattarynyń osy sanaty úshin joǵary bilimniń qoljetimdiligin arttyrýǵa baǵyttalǵan.
Aǵymdaǵy oqý jylynda baǵdarlama aıasynda halyqtyń áleýmettik osal toptarynan jáne aýyldy jerden 2 267 stýdent bilim granttaryna ıe boldy, olar elimizdiń 85 joǵary oqý ornynda bilim alýda. Sondaı-aq, qaıyrymdylyq baǵdarlamasy aıasynda barlyq stýdentter úshin aı saıynǵy materıaldyq qoldaý (stıpendııa) qarastyrylǵan.
Baǵdarlamaǵa qatysýshy basqa sanattardan aıyrmashylyǵy, Qazaqstan Respýblıkasynyń qaıtys bolǵan azamattarynyń balalaryna jáne jaralanǵan balalarǵa tek joǵary bilimniń (bakalavrıat) bilim berý baǵdarlamalary boıynsha ǵana emes, sonymen qatar TjKB (tehnıkalyq jáne kásiptik bilim berý) mamandyqtary boıynsha, ıaǵnı elimizdiń kolledjderinde oqý úshin bilim berý granttary beriledi.
Jaralanǵan balalardyń (13 bala) jáne qaıǵyly qańtardaǵy oqıǵa kezinde qaza tapqan QR azamattarynyń (238 adam) tizimi Qordyń resmı saıtynda jarııalanǵan baǵdarlamaǵa qosymshamen bekitilgen.
Baǵdarlamaǵa 29 jasqa deıingi Qazaqstan Respýblıkasynyń azamattary qatysa alady.
2024 jylǵy 1 qańtardaǵy jaǵdaı boıynsha 18 jasqa tolmaǵan balalar (2022 jylǵy qaıǵyly qańtar oqıǵalary kezinde qaza tapqan azamattar men jaralanǵan balalar) boıynsha Qordyń tsıfrlyq portalynda osy úshin qurylatyn Endaýment qorynda (18 jasqa tolmaǵan balalardyń bolashaq bilim alýyna) arnaıy shottar ashý úshin ótinimder qabyldaý júzege asyrylatyn bolady.
Bul rette (Qordyń tsıfrlyq ótinimder portalyna):
- 2022 jylǵy qańtardaǵy oqıǵa kezinde qaza tapqan QR azamattarynyń jáne jaralanǵan balalardyń ata-anasy nemese qamqorshysy/resmı ókili;
- qańtar oqıǵasy kezinde qaza tapqan azamattardyń balalary nemese kámeletke tolǵan jaralanǵan balalar ótinim bere alady.
Ótinim bergen kezde kelesi qujattardyń skanerlengen kóshirmelerin qosa berý qajet:
- ótinish berýshiniń/balanyń jeke kýáligi;
- qańtar oqıǵalary kezinde qaza tapqan Qazaqstan Respýblıkasy azamatynyń qaıtys bolǵany týraly kýálik/anyqtama;
- qaıtys bolǵan adammen týystyǵyn rastaıtyn qujat: balanyń týý týraly kýáligi, qajet bolǵan jaǵdaıda derbes derekterdiń ózgerýi týraly anyqtama.
Baǵdarlamanyń sharttaryna sáıkes oqý aqysy árbir ótinish berýshi boıynsha bir oqý jylyna 1 mln teńgege deıingi somada joǵary oqý oryndarynda jáne TjKB mekemelerinde bakalavrıat baǵdarlamalary boıynsha oqytý 4 jylǵa deıin oqý bolady degen eseppen júrgiziledi.
Osylaısha Endaýment qorynda balalardyń (QR qaza tapqan azamattary balalary men jaralanǵan balalardyń) ashyq arnaıy shottarynda Qordyń qazaqstanhalqyna.kz tsıfrlyq portalynda ótinim tirkelgen árbir balaǵa 4 mln teńgege deıin jınaqtalatyn bolady.
«Qazaqstan halqyna» QQ nysanaly kapıtalyn (Endaýmentin) qalyptastyrý tujyrymdamasy 2023 jylǵy 16 qańtarda Qamqorshylyq keńestiń otyrysynda qaraldy.
18 jasqa tolǵan (2024 jylǵy 1 qańtardaǵy jaǵdaı boıynsha) qańtardaǵy oqıǵa kezinde qaza tapqan azamattardyń balalary jáne jaralanǵan balalary tıisti ózgerister engizilgen qoldanystaǵy qaıyrymdylyq baǵdarlamasy sheńberinde Qordyń bilim berý grantyna quqyly. Bul rette ótinimderdi qabyldaý jańa 2023-2024 oqý jylynan bastap júzege asyrylatyn bolady. Grant berý merzimderi men tártibi Qordyń saıtynda aǵymdaǵy jyldyń 1 maýsymynan keshiktirilmeı ornalastyrylatyn bolady.
Sondaı-aq, «Qazaqstan halqyna» QQ granty TjKB jáne joǵary bilimniń (bakalavrıat) bilim berý baǵdarlamalary boıynsha oqýǵa bir ret beriletinin, bul rette ekinshi joǵary bilim alýǵa «Qazaqstan halqyna» QQ bilim berý grantyn alýǵa jol berilmeıtinin atap ótken jón.