Qańtar oqıǵasy kezinde eki polıtsııa departamentinen 800 atys qarýy urlanǵan
«Tek Almaty jáne Jambyl oblystarynyń eki polıtsııa departamentterinen qylmyskerler 800-ge jýyq atys qarýyn, onyń ishinde 262 avtomat, 501 tapansha, 12 granatomet, pýlemet jáne 60 myńnan astam oq-dári urlady.
Ańshylyq dúkenderinen jáne quqyq qorǵaý jáne arnaıy organdardyń qarý-jaraq arsenalynan shamamen 3 myń qarý urlanǵan Onyń tek úshten biri nemese 771 danasy tabyldy.
2 myńnan astam qarý-jaraq, sonyń ishinde avtomattar, myltyqtar, tapanshalar men granatometter, sondaı-aq granatalar áli de qylmyskerlerdiń qolynda», -dedi Bas prokýror «Jańa Qazaqstan» depýtattyq tobynyń saýalyna bergen aýyzsha jaýabynda.
Onyń aıtýynsha, mundaı arsenalmen tutas polkti qarýlandyrýǵa bolady.
«Beıbit turǵyndarǵa bul qarý qajet emes ekeni túsinikti. Ol eldegi jaǵdaıdy aýqymdy turaqsyzdandyrý úshin urlanǵan. Osy faktilerdiń bári boıynsha qylmystyq ister tergelýde», - dedi Berik Asylov.