Qańtar oqıǵasy: Elvıra Ázimova tarazdyq kámeletke tolmaǵan kúdiktiniń nege bosatylmaı jatqanyn aıtty
«Ókinishke qaraı, Almaty qalasy men oblysynda, Jambyl oblysynda ustalǵandardyń arasynda 16-17 jastaǵy kámeletke tolmaǵan azamattar da boldy. Olarǵa taǵylyp otyrǵan aıyptar aıtarlyqtaı aýyr. Jappaı tártipsizdikke, ǵımarattardy basyp alý jáne qarý tonaýǵa qatysý boıynsha aıyptalyp otyr», - dedi Adam quqyqtary jónindegi ýákil.
Onyń aıtýynsha, Qazaqstan – Balanyń quqyqtary týraly konventsııanyń múshesi. Al ol konvetsııa boıynsha, kámeletke tolmaǵandar qylmys jasaǵan kúnniń ózinde shetin jaǵdaılarda ǵana jáne qysqa ýaqytqa qamaýǵa alynýy múmkin.
«Mundaǵy kámeletke tolmaǵandardyń bári qylmystyq qýdalaý orbıtasyna birinshi ret túsip tur. Ata-analardyń kepilgerligi arqyly balalardyń bári keıin bosatyldy. Tek Taraz qalasyndaǵy bir bala ǵana bosatylǵan joq. Onyń ústinen ázirge prokýror tekserý júrgizgen joq», - dedi Elvıra Ázimova.