Qańtar oqıǵasy: Burynǵy Qorǵanys mınıstri Murat Bektanov zańsyz buıryq bergen
«Odan bólek, áskerı sotta Qorǵanys eks-mınıstri Bektanovtyń isi boıynsha tyńdaý jalǵasýda. Tergeýge sáıkes, ol tótenshe jaǵdaı kezeńinde zańsyz buıryq bergen jáne strategııalyq nysandardy áskerılerdiń kúzetinsiz qaldyrǵan. Burynǵy Qorǵanys mınıstri elimizde konstıtýtsııalyq tártip ornatý jóninde sharalar qabyldamaǵan», - dedi B. Asylov.
Sondaı-aq, ol sot Murat Bektanovtyń is-áreketterine túpkilikti baǵa beretinin jáne onyń jazasyn anyqtaıtynyn atap ótti.
«Tártipsizdikke qatysqandar, ásirese, Almatyda sany jaǵynan basym bolǵan. Olar qorshaýdy buzǵan, polıtsııa men Ulttyq ulan kúshterin basyp, halyqqa zorlyq-zombylyq jasaǵan. Sonyń saldarynan qylmyskerler qolynan adamdar qaza bolǵan, qalalar tonalǵan jáne órtelgen. Sondyqtan Bektanov urys jaǵdaıynda jasalǵan bılikti asyra paıdalaný boıynsha aıyptalyp otyr (QK-niń 451-babynyń 3-bóligi). Sot onyń is-áreketterine túpkilikti baǵa beredi jáne onyń jazasyn anyqtaıdy», - dedi Bas prokýror.
Byltyr, 21 aqpanda burynǵy Qorǵanys mınıstri Murat Bektanov ustaldy jáne ýaqytsha ustaý ızolıatoryna qamaldy.
«2022 jylǵy 19 aqpanda Bas prokýratýra burynǵy Qorǵanys mınıstri Murat Káribaıuly Bektanovqa qatysty Qazaqstan Respýblıkasy Qylmystyq kodeksiniń 452-baby áreketsizdik faktisi boıynsha sotqa deıingi tergep-tekserýdi bastady», - dep jazylǵan QR Bas Prokýratýrasynyń habarlamasynda.
Foto: TASS