Qańtar oqıǵasy boıynsha taǵy 12 kúdikti qamaýdan bosatyldy - ІІM

NUR-SULTAN. QazAqparat – QR Іshki ister mınıstrliginiń Tergeý departamentiniń bastyǵy Sanjar Ádilov ótken aptada qańtar oqıǵasy boıynsha 12 kúdikti qamaýdan bosatylǵanyn aıtty, dep habarlaıdy QazAqparat tilshisi.

«Sotqa joldanǵan ister boıynsha jábirlenýshilerge somasy shamamen 100 mln teńge bolatyn zardaptyń orny toltyrylǵanyn atap ótkim keledi. Bul polıtsııa qyzmetkerleriniń urlanǵan múlikti anyqtaýy jáne alyp qoıýy, sondaı-aq aıyptalýshylardyń sotqa deıingi tergep-tekserý, onyń ishinde sot tergeýi kezeńinde zardaptyń ornyn toltyrǵany nátıjesinde qamtamasyz etildi», - deıdi Sanjar Ádilov Ortalyq kommýnıkatsııalar qyzmetinde ótken brıfıngide.

Aıtýynsha, ótken aptada 12 kúdikti kúzetpen ustaýdan bosatylǵan. ıAǵnı, bultartpaý sharasy ózgertilgen.

«Búgingi tańda ishki ister organdarynyń isteri boıynsha barlyǵy 333 kúdikti osy negizder boıynsha kúzetpen ustaýdan bosatyldy.

Olardyń ishinde 96 adamdy bultartpaý sharasy úıqamaqqa aýystyryldy. 78 adam kepil arqyly, 67 adam eshqaıda ketpeý jáne durys minez-qulyq týraly qolhat arqyly jáne 11 adam jeke kepilgerlik arqyly bultartpaý sharasyn ózgertýge múmknidik aldy.

Odan basqa sottardyń úkimderi boıynsha 81 sottalýshy kúzetpen ustaýdan bosatyldy», - degen ІІM ókili Almatyda «Magným» sýpermarketinen azyq-túlikti urlaǵan bir kúdiktiniń de bosatylǵanyn atap ótti.

«Tergeý barysynda kúdikti tolyǵymen materıaldyq zalaldyń ornyn toltyrdy. Sottyń úkimimen ol kináli dep tanyldy. Biraq jábirlenýshi taraptan talaptardyń bolmaýy eskerilip, ol bosatyldy, degenmen oǵan eki jylǵa bas bostandyǵyn shekteý túrinde jaza qoldanyldy», - dedi Tergeý departamentiniń bastyǵy.

Buǵan deıin QR ІІM Tergeý departamentiniń basshysy Sanjar Ádilov qańtar oqıǵasy kezinde ásirese úsh óńirde nysandar qatty tonalǵanyn aıtqan edi.