Qańtar oqıǵasyna qatysty tergeý áli jalǵasyp jatyr

<p>Qańtar oqıǵasyna baılanysty 1 396 adam sottaldy. Bul týraly Bas prokýratýradan málim etti, dep habarlaıdy <a href="Kazinform." target="_blank" rel="noopener">Kazinform.</a></p>

«Qańtar oqıǵasyna qatysty tergeý áli jalǵasyp jatyr. QR Qylmystyq-protsestik kodekstiń 201-baby talaptaryna sáıkes málimetter jarııa etýge jatpaıdy. Degenmen, atalǵan oqıǵaǵa qatysqany týraly jetkilikti dálelder alynǵan tulǵalar qazirgi ýaqytta qylmystyq jaýapkershilikke tartyldy. Búginde 1 396 tulǵa, onyń ishinde 574 adam jappaı tártipsizdikterge qatysqany jáne uıymdastyrǵany úshin sottaldy», - delingen Bas prokýratýranyń agenttik saýalyna bergen jaýabynda.

Vedomstvonyń naqtylaýynsha, 574 adamnyń ishinde 12 tulǵa jappaı tártiptsizdikti uıymdastyrǵany úshin bas bostandyǵynan aıyrylǵan.

«Osynaý qaıǵyly oqıǵa kezinde 2 960 qarý urlandy. Onyń 1 myńnan astam tabyldy. Qalǵan qarýdy izdeý jalǵasyp jatyr», - dep naqtylady Bas prokýratýradan.