Qańtar oqıǵasy kezinde erikti bolyp jumys istegen jas bul qadamǵa ne úshin barǵanyn aıtty

<p>Memleket basshysy Qasym-Jomart Toqaev Egemen Qazaqstan gazetine bergen suhbatynda Qańtar oqıǵasyna tolyq toqtalyp, odan sabaq alý qajettigin atap ótti. Osyǵan oraı sol kúnderi erikti qyzmetin atqarǵan telejúrgizýshi Ernur Kinámá <a href="https://kaz.inform.kz/" target="_blank" rel="noopener">Kazinform</a> tilshisiniń saýaldaryna jaýap berdi.&nbsp;</p>

– Ernur, Qańtar oqıǵasy kezinde erikti retinde qyzmet atqarǵan ekensiń, aldymen sol týraly aıtyp berseń.

– Qasiretti qańtar oqıǵasy qazaq eline syn boldy. Bastapqyda beıbit bastalǵan tolqýlardy zulymdar óz maqsatyna paıdalanyp, qaımaǵy buzylmaǵan qaımana halqymyzdyń bereke-birligin buzýǵa barynsha tyrmysty. Qalalardy qıratty, qan tókti, eldi úreıge saldy. Təýelsizdigimiz talqyǵa túsken tarıhı sətte Memleket basshysy tarapynan batyl qabyldanǵan sheshimder, halqymyzdyń baısaldylyǵy eldigimizdi saqtap qalýǵa septigin tıgizdi. Osy ýaqytta ər qalada qaýmalaǵan qalyń buqaranyń toptasýymen túrli sherýler boldy. Bizdiń Oral qalasynda da dəl sondaı syn saǵatta jastar belsene aralasyp, halyqty sabyrǵa shaqyrdy. Erikti retinde óz qyzmetterin kórsetti.

Elde ınternet jelisi sóngendikten, turǵyndar qajetti aqparat kózderi men kúndelikti turmystyq qajettilikke qol jetkize almaı, qınalyp qaldy. Kóńilge kúdik uıalap, aınalany úmitsizdik baspas úshin osy sátte eriktiler sapynda men de bolyp, halyqqa qolushyn berýge bel býdym. Uıqy kórmeı, el tynyshtyǵyn kúzetken áskerıler men tártip saqshylaryna azyq-túlik apardyq. Ardagerler men az qamtylǵan, kópbalaly otbasylar da umyt qalǵan joq. Shahar tóńiregindegi kentter men shaǵynaýdandarda keshki kezekshilikte turdyq. Turǵyndardyń abyrjymaı, shynaıy aqparat alýyna úles qostyq.

– Sol kúnderi Oral qalasynda qaqtyǵystarǵa jol berilgen joq. Buǵan qalaı qol jetti dep oılaısyń? Qaýip-qaterge toly shaqta adamdar bir-birine qalaı kómektesti?

– Iá, shúkir, shaharymyzda eshqandaı oqys jaǵdaı bolmady. Ortalyq alańǵa jınalǵandar sabyr saqtap, jergilikti bıliktiń sózine qulaq asty. Osylaısha, yń-shyńsyz tarap, eń bastysy, qan tógilgen joq. Bul turǵyndarymyzdyń el birligi men egemendigine beıjaı qaramaıtynynyń bir dáleli dep bilemin. Dəl osy shaqta olar bir-birine demeý boldy, qoldaý bildirdi, kómegin usyndy. Bul da bir ǵanıbet. Negizi, jańalyq júrgizýshisi bolyp jumys isteımin. Eriktilikti qoǵamdyq qyzmet esebinde kóremin, qıyn-qystaý kezde elge septesý azamattyq boryshym dep bilemin.

– Aldaǵy ýaqytta mundaı oqıǵa bolmas úshin ne isteý kerek dep esepteısiń?

– Memleket basshysy aıtqandaı, mundaı qaıǵyly oqıǵa qaıtalanbas úshin bárimiz de odan sabaq ala bilýimiz kerek dep oılaımyn. Bılik tutqasyn ustaǵandardan bastap qarapaıym adamdarǵa deıin sabyr saqtap, ótken-ketkennen oı túıip, bolashaqty boljap, eldikti birinshi orynǵa qoıýymyz qajet. Qańtar oqıǵasy kezinde qasiretke tap bolǵan otbasylardyń jan jarasy taıaý ýaqytta jazyla qoımas. Sonymen qatar el tynyshtyǵyn qorǵap, aldyńǵy shepte bolǵan, birqatary óz janyn qııýǵa deıin barǵan batyrlarymyzdy umytpaý lázim. Eń bastysy, eldigimizdi myǵym ustap, arman-maqsatymyzdy bir arnaǵa toǵystyryp, bereke-birligimizdi berik saqtaı bilsek, bizdi eshqandaı jaý ala almaıdy dep bilemin.

– Áńgimeńe raqmet!