Qańtar-naýryzda elimizde 204 myń jeńil avtomobıl tirkeldi
QR Strategııalyq josparlaý jáne reformalar agenttiginiń Ulttyq statıstıka bıýrosy usynǵan málimetke sáıkes, osy jyldyń úsh aıynda Qazaqstanda 204 238 jeńil avtomobıl esepke qoıyldy. Bul ótken jylǵy sáıkes kezeńmen salystyrǵanda 9 paıyzǵa az. 2022 jylǵy 1 sáýirdegi jaǵdaı boıynsha Qazaqstan Respýblıkasynda tirkelgen jeńil avtomobılderdiń jalpy sany 3 833,3 myń birlikti qurady.
«2022 jylǵy birinshi toqsanda 2 600 jol-kólik oqıǵasy tirkelip, 3 968 adam zardap shekken. Ótken jylǵy tıisti kezeńmen salystyrǵanda apat sany 0,8 paıyzǵa azaıdy. 1 sáýirdegi jaǵdaı boıynsha kólik quraldary ıeleriniń azamattyq-quqyqtyq jaýapkershiligin mindetti saqtandyrý boıynsha saqtandyrý uıymdary 10,7 mlrd teńge somasynda 21 370 saqtandyrý tólemin júzege asyrǵan», - dep atap ótedi bıýrodan.