«Qańtar. Memlekettik tóńkeris áreketi. Bul qalaı boldy» derekti fılmi kórsetildi

<p>Qazaqstandyq telearnalar 2022 jylǵy qańtardaǵy qaıǵyly oqıǵalar týraly jańa derekti fılmdi kórsetti, dep habarlaıdy Kazinform.&nbsp;</p>

Fılmde ár kún men ár saǵattar negizinde qazaqstandyq qalalardyń kóshelerinde oqıǵalardyń qalaı órbigeni, daǵdarys qalaı eńserilgeni týraly negizgi sheshimderdiń qalaı jáne qashan qabyldanǵany qamtylǵan.

Jańa derekti fılmde qańtar tragedııasy oqıǵalarynyń eksklıýzıvti qujattary, foto jáne beınematerıaldary kórsetilgen. Kórermenderge 2022 jyldyń qańtar kúnderinde bolǵan oqıǵanyń tolyq beınesi usynyldy.

Derekti fılmde eldiń 11 aımaǵynda mıtıngiler uıymdastyrylǵany baıandalady.

Sonymen qatar, osy aýdandar men qalalarda beıbit áleýmettik narazylyqtar memlekettik bılikti qulatý úshin ekstremıstik talaptarmen jappaı buzaqylyqtarǵa ulasty.

Qastandyq jasaýshylardyń basty áreketi janjaldy qozdyrýǵa baǵyttalǵan edi.

Derekti fılm qaskóıler boljamdaǵan stsenarıı boıynsha oqıǵalardyń 4 tolqynyn kórsetedi:

1-tolqyn. Beıbit mıtıngiler.

1-3 qańtarda beıbit mıtıngiler ótti (eldiń birqatar aımaqtarynda).

Maqsaty – arandatýshylar men sodyrlardy kópshilik arasyna engizý úshin halyqty kóshege shyǵarý.

2-tolqyn. Tártipsizdikter, qıratý, órteý.

4-5 qańtarda iske asyryldy (ishinara birqatar óńirlerde, tolyǵymen Almatyda).

Maqsaty – haos pen tártipsizdik atmosferasyn qurý, tonaý uıymdastyrý, qarý-jaraq dúkenderin basyp alý, órtengen kólikterden barrıkadalar jasaý.

3-tolqyn. Ǵımarattardy basyp alý: ákimshilik, kúshtik qurylymdar, BAQ, kólik (áýejaı) jáne aqparattyq (BAQ, televyshka) kommýnıkatsııalar. Kepilge alý, bılik ókilderine qatysty qoǵamdyq zorlyq-zombylyq.

5-6 qańtarda iske asyryldy (ishinara Almatyda).

Maqsaty – halyq arasynda qorqynysh pen dúrbeleń, úreı týǵyzý, zańdy bıliktiń dármensizdigin kórsetý, sonymen birge ákimdikterge, polıtsııaǵa, BAQ-qa, áýejaılarǵa jáne t. b. sımvolıkalyq túrde óz baqylaýlarynda ekenin kórsetý.

4-tolqyn. Sırııalyq stsenarıı.

Іske asyrylǵan joq.

«Uıyqtap jatqan» radıkaldy jasaqtardyń kóterilýi. Sheteldik sodyrlardy tartý. Maqsaty – el boıynsha jekelegen bandıttik jáne terrorıstik anklavtar qurý. Jekelegen aımaqtarda bılikti basyp alý.

Qańtar búkil eldi dúr silkindirdi, bul kezeń bılikti basyp alý maqsatynda aýqymdy memlekettik tóńkeristiń aldyn-ala muqııat josparlanǵan áreketi retinde tarıhqa endi.