Qańtar qyrǵyny kezinde urlanǵan qarý-jaraqtyń basym bóligi tárkilendi - ІІM
«Qaıǵyly qańtar qylmystyq isterin tergeý aıasynda tonaýǵa, ásirese qarý urlaýǵa qatysqan adamdardy anyqtaý jumysy jalǵasýda. Úsh aptada Almaty qalasynda, Almaty jáne Jambyl oblystarynda urlanǵan qarýdyń basym bóligi tárkilendi. Qazirgi ýaqytta tárkilengen qarýdyń jalpy sany - 747 jáne 18 myńnan astam oq-dári alyndy», - dedi ol ortalyq kommýnıkatsııalar qyzmetinde ótken brıfıngte.
Máselen, onyń dereginshe, 5 qańtarda qarý-jaraq dúkenin tonaýǵa qatysqan, buryn urlyq jasaǵany úshin sottalǵan Jambyl oblysynyń 33 jastaǵy turǵyny 30 qańtarda ustaldy.
«Ol dúken esigindegi temir tordy syndyrý úshin kabel baılanǵan VAZ-2114 kóligin júrgizgen. Nátıjesinde kúdikti eki tegis uńǵyly jáne eki oıyq myltyqty ıemdengen. Almaty qalasynda osy qalanyń taǵy 4 turǵyny ustaldy. Olardan urlanǵan 10 myltyq pen oq-dári tárkilendi. Sonymen qatar, olardan qaýipsizdik kúshinen urlanǵan oq ótpeıtin keýdesheler, qalqandar men shlemder tárkilendi. Sot sanktsııasymen osy faktiler boıynsha ustalǵan kúdiktiler ýaqytsha ustaý ızolıatoryna qamaldy», - dedi departament bastyǵy.