Qańtar kezinde tutqyndardy azaptaǵan úsh polıtseı 3 jylǵa sottaldy

<p>ALMATY. KAZINFORM — Búgin, 19 naýryzda Almaty qalasy Almaly aýdandyq sotynda Qańtar oqıǵasy kezinde azaptaý faktisi boıynsha úsh polıtsııa qyzmetkerine úkim shyqty. Olar Qylmystyq kodekstiń 146-baby boıynsha aıyptalǵan.</p>

Qylmystyq isti Almaty qalasynyń arnaıy prokýrorlary tergedi.

Prokýrorlar 2022 jylǵy 9 qańtarda Almaly aýdandyq polıtsııa basqarmasyna jetkizilgen 3 azamatty kináli polıtseıler azaptaǵanyn dáleldedi.

Zańsyz áreket saldarynan úsh jábirlenýshi japa shekken.

Sot úkimimen úsh sottalýshy arnaýly ataǵy men memlekettik qyzmette jumys isteý quqyǵynan aıyryldy.

Olar 3 jyl merzimge bas bostandyǵynan aıyrylyp, sot zalynda qamaýǵa alyndy.

Úkim zańdy kúshine engen joq.