Qańtar qasiretiniń sebebi men saldaryn tereń taldaýymyz kerek – Toqaev

NUR-SULTAN. QazAqparat – «Nur Otan» partııasynyń kezekten tys HHІ sezinde QR Prezıdenti Qasym-Jomart Toqaev qańtar qasiretinen sabaq alýdyń mańyzdylyǵyna toqtaldy, dep habarlaıdy QazAqpaat tilshisi.

«Qańtardyń alǵashqy kúnderinde Qazaqstan salmaqty silkinisti bastan ótkerdi. Biz konstıtýtsııalyq tártipti, memleket negizderin, eldiń tutastyǵyn, halyq birligin buzýǵa jáne saıyp kelgende, bılikti basyp alýǵa baǵyttalǵan, muqııat josparlanǵan shabýylǵa tap boldyq», -dedi Memleket basshysy.

Prezıdenttiń aıtýynsha, el azamattarynyń uıymshyldyǵynyń, yntymaǵynyń, batyldyǵynyń, sanalylyǵynyń arqasynda memlekettiń kúıreýin boldyrmaı, qazirgiden de kóp qantógiske jol berilmegen.

«Qasiretti qańtar» biz úshin Táýelsizdik jyldaryndaǵy eń aýyr synaq boldy. Biz qoǵamnyń kemeldigi men memlekettiń aýqattylyǵy synaǵyn sátti tapsyrdyq. Biraq biz osy oqıǵalardyń búkil sebepteri men saldaryn tereń taldaýymyz kerek. Bastan keshken tragedııadan qajetti sabaqtardyń bárin alýymyz kerek», - dedi Prezıdent.

Aıta keteıik, «Qasym-Jomart Toqaev «Nur Otan» partııasynyń Tóraǵasy bolyp saılandy.