Qańtar qasireti: Tergeý ızolıatorlaryna 267 adam dene jaraqatymen tústi
«Qańtar aıyndaǵy oqıǵalar kezinde tergeý ızolıatorlaryna 267 adam dene jaraqatymen tústi. Olardyń 33-i qalalyq aýrýhanalarda emdeldi. Qalǵandaryn tergeý ızolıatorlarynyń medıtsınalyq qyzmetteri emdedi. Biraq olardy únemi azamattyq dárigerler qarap júr. Olar jaraqattaryn jappaı tártipsizdik kezinde, ákimshilik ǵımarattarǵa, qyzmetkerlerge shabýyl jasaǵanda alǵan. Biz olardy tergeý ızolıatoryna qabyldaǵan kezinde tirkedik», - dedi tóraǵa orynbasary Іshki ister mınıstrliginiń baspasóz qyzmeti alańynda ótken brıfıngide.
Onyń dereginshe, búgingi tańda qamaýdaǵy tek 1 adam Taraz qalasynyń aýrýhanasynda em alyp jatyr. Taǵy 30 adam basqa tergeý ızolıatorlarynda emdelýde.
«Biz qamaýǵa alynǵandardyń týystaryn ýaıydamaýǵa jáne jaqyndary týraly jalǵan aqparatqa senbeýge shaqyramyz. Tikeleı mekemelerge baryńyz. Ol jerde sizder aqparatty medıtsınalyq qyzmetkerlerden ala alasyz. Mekemelerden alshaq jerde turatyn týystar úshin Qylmystyq-atqarý júıesi komıtetinde jáne aýmaqtyq departamentterde koll-ortalyqtar jumys isteıdi. Qoǵamdyq komıssııalar, depýtattar, qoǵamdyq monıtorıng toptary tergeý ızolıatorlaryna barǵannan keıin olarǵa ustaýdyń tyıym salynǵan jaǵdaılary týraly qandaı da bir shaǵym túsken joq», - dedi Meıram Aıýbaev.