Qańtar-qarasha aılarynda bıýdjetke 9,6 trln teńge salyq túsken - komıtet
Komıtettiń málimetinshe, qańtar-qarasha aılarynda memlekettik bıýdjetke salyq túsimderi boıynsha jospary 102,6% oryndaldy (jospar boıynsha 9 385,7 mlrd teńge, 241,9 mlrd teńgege asyra oryndalyp, 9 627,6 mlrd teńge tústi), ótken jyldyń osyǵan uqsas kezeńimen salystyrǵanda 28,8% nemese 2 155,6 mlrd. teńgege ósken.
«Onyń ishinde:
- Respýblıkalyq bıýdjet 100,8% oryndaldy (jospar boıynsha 6 353,1 mlrd.teńge, 50,9 mlrd teńgege asyra oryndaýmen 6 404 mlrd teńge tústi), ótken jyldyń osyǵan uqsas kezeńimen salystyrǵanda 33,0% nemese 1 590,6 mlrd teńgege ósti.
- Jergilikti bıýdjet 106,3% oryndaldy (jospar boıynsha 3 032,7 mlrd.teńge, 191,0 mlrd. teńgege asyra oryndaýmen 3 223,6 mlrd. teńge tústi) 2020 jyldyń osyǵan uqsas kezeńimen salystyrǵanda 21,3% nemese 565,0 mlrd teńgege ósti» , delingen habarlamada.
Vedomstvonyń málimetinshe, 2020 jyldyń osyǵan uqsas kezeńimen salystyrǵanda Respýblıkalyq bıýdjetke túsimder ósiminiń eń kóp somasy munaıǵa salynatyn korporatıvti tabys salyǵy boıynsha 555,2 mlrd teńgege nemese 1,5 ese, eksporttyq keden bajdary boıynsha 463,6 mlrd teńgege nemese 2 ese, EAEO elderinen ımportqa QQS boıynsha 219,2 mlrd teńgege nemese 36,9%, paıdaly qazbalardy óndirý salyǵy boıynsha 144,3 mlrd teńgege nemese 47,7% jáne 3-shi elderden ımportqa QQS boıynsha 125,6 mlrd teńgege nemese 21,6% artqany baıqalady.
Komıtettiń málimdeýinshe, túsimderdiń ósýine mynadaı faktorlar áser etke.
«Bıylǵy jyldyń 11 aıynda ótken jyldyń osyǵan uqsas kezeńimen salystyrǵanda negizgi eksport pozıtsııalaryndaǵy baǵanyń ósýi baıqalady, onyń ishinde munaıǵa 70,9%, mysqa 54,1%, alıýmınııge 45,4%, myryshqa 33,4%, kúmiske 26,1%, qorǵasynǵa 21,0% jáne altynǵa 2,2%. Munaıǵa salynatyn áketý kedendik bajynyń mólsherlemesi 66,3% ósti (2020 jyldyń 11 aıynda 1 tonnaǵa ortasha mólsherlemesi – 37,7$, 2021 jyldyń 11 aıynda 1 tonnaǵa – 62,7$).
Úshinshi eldermen taýar aınalymy 2021 jylǵy qańtar-qarasha aılarynda 11,5% ósti (eksport 23,0% ósti, ımport 8,5% tómendedi)», delingen habarlamada.
2021 jylǵy 11 aıynda ótken jyldyń osyǵan uqsas kezeńimen salystyrǵanda taýar aınalymy 58,5% ósti (82 223 mlrd. teńgeden 130 359 mlrd. teńgege deıin).
«QQS túsiminiń shamamen 32% quraıtyn iri salyq tóleýshiler boıynsha ótkizý boıynsha aınalymdar 11,1% ósti.
Kórsetilgen kezeń ishinde bir salyq tóleýshige onlaın baqylaý-kassa mashınasynan ortasha túsimi 11,5% ósti (41,1 mln teńgeden 45,8 mln teńgege deıin)», delingen habarlamada.