Qańtar-qarasha aralyǵynda Japonııaǵa 33 mln sheteldik týrıst kelgen

<p>ASTANA. KAZINFORM &ndash; Ulttyq valıýtanyń álsireýi aıasynda Japonııaǵa keletin sheteldik týrıster sany boıynsha jańa rekord ornatyldy, dep habarlaıdy Kazinform <a href="https://english.kyodonews.net/news/2024/12/15c1b2bb4b8f-update1-japan-foreign-visitors-top-33-mil-in-jan-nov-break-annual-record.html" target="_blank" rel="noopener">Kyodo News </a>aqparat agenttigine silteme jasap.</p>

Japonııa ulttyq týrıstik uıymynyń málimetinshe, olardyń jalpy sany 33 379 900 adamdy qurady, bul 2019 jyly tirkelgen 31,88 mln jyldyq maksımýmnan asyp tústi.

Qarasha aıynda ǵana sheteldik týrıster sany 30,6 paıyzǵa artyp, jyldyq esepte 3,18 mln-ǵa jetti. Bıylǵy ár aı ótken jyldyń sáıkes kezeńimen salystyrǵanda keminde 30 paıyzǵa ósken.

Japonııamen áýe qatynasy 2019 jylǵy deńgeıge oralǵanyn esepke alǵanda, qarashada kúzgi japyraqtar maýsymynda suranystyń artýyna baılanysty týrıster sany odan ári ósti.

Uıymnyń aldyn ala málimetinshe, elder men aımaqtar boıynsha Ońtústik Koreıadan 749 500 adam kelgen, bul ótken jylmen salystyrǵanda 15,3%-ǵa kóp.

Al Qytaıdan kelgen týrıster sany eki eseden astam ósip, 546 300 adamǵa jetti, Taıvan 488 400 adammen úshinshi orynda (ósim 21%), odan keıin tizimde AQSh 247 500 adammen AQSh (34%) tur.

Eger el úkimeti 2030 jylǵa qaraı jyl saıyn 60 mln sheteldik týrısti tartý maqsatyna qol jetkizse, kólik keptelisi men jergilikti turǵyndarǵa qolaısyzdyq týdyratyn sheteldik týrızmmen baılanysty problemalardy sheshý mańyzdy bolady, dep jazdy agenttik.

Osyǵan deıin 6 mln ishki týrıst jáne 224 mlrd teńge kiris Qazaqstandaǵy týrızmdi nyǵaıtqanyn jazdyq.