Qańtar aıynda qazaqstandyqtardyń 88% MÁMS júıesimen qamtylady

NUR-SULTAN. QazAqparat - Mindetti áleýmettik medıtsınalyq saqtandyrý júıesi 2020 jylǵy qańtarda qazaqstandyqtardyń 88% -yn qamtıdy. Bul týraly Ortalyq kommýnıkatsııalar qyzmetinde ótken baspasóz konferentsııasynda QR Densaýlyq saqtaý mınıstri Eljan Birtanov aıtty, dep habarlaıdy QazAqparat tilshisi.

«Mindetti áleýmettik medıtsınalyq saqtandyrý júıesin engizýge daıyndyq kezindegi negizgi mindetterdiń biri - bul júıege barynsha kóp adamdardy tartý boldy. Sonyń ishinde eki jyl buryn Elbasy alǵa qoıǵan mindet - ózin-ózi jumyspen qamtyǵandar bazasyn jańartý. Búgingi tańda Úkimet jergilikti atqarýshy organdarmen birlesip, bul jumysty aıaqtap jatyr. Halyqtyń 97% málimetter bazasynda jańartyldy. Bul jumys jyl sońyna deıin jalǵasady», - deıdi Eljan Birtanov.

Onyń aıtýynsha, 2020 jyldyń qańtarynda naqty 97% turǵyndar arasynda saqtandyrý boljamy 88%-dy quraıdy.

«Birinshiden, bul kórsetkishtiń 54%-y 15 jeńildik sanatyna jatatyn halyq jáne olar memleket tarapynan saqtandyrylady. Taǵy 29% - buryn saqtandyrylǵan qyzmetkerler, osy jyly olar áleýmettik medıtsınalyq saqtandyrý qoryna, sonymen qatar azamattardyń basqa sanattaryna jarna ala bastady. Qalǵan 12% - 2,2 mln adam táýelsiz tóleýshiler dep atalady», - deıdi ol.

Sonymen qatar, mınıstr mindetti áleýmettik medıtsınalyq saqtandyrý arqyly 2020 jyly densaýlyq saqtaý salasyn qarjylandyrý kólemi 50 paıyzǵa artyp, 1,5 trln teńgege jetedi dep málimdedi.