Qańtar aıynda Qazaqstanda qansha kólik tirkeldi

ASTANA. QazAqparat – Bıylǵy qańtar aıynda elimizde 126,9 myń avtokólik esepke qoıyldy, dep habarlaıdy QazAqparat Ulttyq statıstıka bıýrosyna silteme jasap.

Bıylǵy qańtarda 126,9 myń avtokólik esepke qoıyldy. Bul ótken jyldyń sáıkes kezeńimen salystyrǵanda 27,3% kóp. Onyń ishinde jeńil avtomobılder – 25,9%, júk avtomobılderi – 39,5%, avtobýstar sany 2 esege artty.

2023 jylǵy 1 aqpandaǵy jaǵdaı boıynsha Qazaqstanda barlyǵy 4 518,7 myń kólik tirkelgen (2022 jyldyń 1 qańtarynda 4 308,6 myń bolǵan edi). Onyń ishinde 87,9% – jeńil avtomobılder, 10% – júk avtomobılderi, 2,1% – avtobýstar.

2023 jyldyń qańtarynda tirkelgen kólikter arasynda:

- qurastyrylǵanyna 3 jyldan aspaǵan – 16 562;

- 3-7 jyl aralyǵyndaǵy – 6 896;

- 7-10 jyl aralyǵyndaǵy – 15 825;

- 10 jyldan asqan – 77 328.