Qańtar aıynda 350 myńnan astam qazaqstandyq ataýly áleýmettik kómek aldy

ASTANA. QazAqparat - 2023 jylǵy 1 aqpandaǵy jaǵdaı boıynsha 67,1 myń otbasyndaǵy 350,4 myń adamǵa ataýly áleýmettik kómek (AÁK) taǵaıyndaldy. Bıyl osy maqsattarǵa bıýdjetten 73,9 mlrd teńge bólindi, dep habarlaıdy QazAqparat.

Eńbek jáne halyqty áleýmettik qorǵaý mınıstrliginiń málimetinshe, AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.

Aǵymdaǵy jyldyń 1 qańtarynan bastap az qamtylǵan otbasylardan shyqqan mektep jasyna deıingi balalarǵa beriletin kepildendirilgen áleýmettik toptama kómektiń tabıǵı nysanynan, monetızatsııalaý formatyna, qosymsha tólem túrine 1 jastan 6 jasqa deıingi balalardy qosa alǵanda 1,5 AEK mólsherine (2023 jyl – 5175 teńge) aýystyryldy.

Aǵymdaǵy jyldyń 1 aqpandaǵy jadaı boıynsha AÁK alýshylar qataryndaǵy 1 jastan 6 jasqa deıingi balalardy qosa alǵanda – 106,4 myń balalarǵa qosymsha tólem taǵaıyndaldy.

Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha jumyspen qamtý ortalyǵynda, aýyl okrýginiń ákimine sondaı-aq egov.kz elektrondyq úkimet portaly arqyly bere alady.