Qańtar aıynda ótetin UBT-ǵa ótinish qabyldaý aıaqtaldy

<p>136 myń adam qańtar aıynda ótetin testileýden ótýge nıet bildirdi. UBT 15 qańtar men 10 aqpan aralyǵynda ótedi, dep habarlaıdy <a href="https://kaz.inform.kz/" target="_blank" rel="noopener">Kazinform</a> Ǵylym jáne joǵary bilim mınıstrliginiń baspasóz qyzmetine silteme jasap.&nbsp;</p>

Atap ótsek, talapkerler ótinish berý barysynda olar testileý kúnin, ýaqytyn jáne ornyn ózderi tańdady.

«UBT barysynda kalkýlıator, hımııalyq elementterdiń perıodtyq júıesi (Mendeleev kestesi) jáne tuzdardyń erigishtik kestesi kompıýter ekranynda kórsetiledi. Test tapsyrýshylar testileý aıaqtalǵannan keıin 30 mınýt ishinde apellıatsııaǵa ótinish bere alady. Sertıfıkat apellıatsııalyq komıssııanyń sheshiminen keıin talapkerdiń jeke kabınetinde qoljetimdi bolady», - dedi Ulttyq testileý ortalyǵynyń dırektory Rýslan Emelbaev.

UBT-daǵy pánderdiń sany ózgerissiz qalady, ıaǵnı úsheýi mindetti jáne ekeýi tańdaý boıynsha. Alaıda «Oqý saýattylyǵy» men «Matematıkalyq saýattylyq» mindetti pánderinen tapsyrmalar sany 5 suraqqa qysqarady. Al beıindik pánderdiń suraqtar sany artyp, 40 test tapsyrmasynan turatyn bolady.

Beıindik pánderde berilgen tizimnen sáıkestikti anyqtaýǵa arnalǵan 5 tapsyrma qosylady. Osylaısha, UBT tapsyrmalar sany ózgerissiz qalady, jalpy 120 suraq. Onyń ishinde «Qazaqstan tarıhynan» 20 tapsyrma, «Oqý saýattylyǵynan» 10 tapsyrma, «Matematıkalyq saýattylyqtan» 10 tapsyrma jáne eki beıindik pán boıynsha 40 tapsyrma. Joǵary ball – 140, ol da ózgerissiz qaldy.

Testileý ýaqyty – 4 saǵat (240 mınýt). Bul rette erekshe bilim berý qajettilikteri bar balalar úshin usynylatyn qosymsha 40 mınýt ýaqyt saqtalatynyn aıta ketý kerek.