Qańtar aıynda 21 myńnan astam almatylyq túlek UBT tapsyrdy

<p>ALMATY. KAZINFORM &ndash; Almatyda 21 myńnan astam adam qańtar aıyndaǵy UBT-ny tapsyrdy. Onyń ishinde talapkerlerdiń 67,2%-y qazaq tilinde, 32,7%-y orys tilinde, 11 adam aǵylshyn tilinde testileýden ótti.&nbsp;</p>

Bul týraly Almaty qalasynyń óńirlik kommýnıkatsııalar qyzmetiniń onlaın brıfıngi barysynda QR Ǵylym jáne joǵary bilim mınıstrliginiń Ulttyq testileý ortalyǵy dırektorynyń orynbasary Naýjan Dıdarbekova málimdedi.

Spıkerdiń sózinshe, UBT-da shekti baldy 81%-ǵa jýyq talapker jınady. Ortasha bal – 71. Bul respýblıka boıynsha nátıjeden 2 balǵa joǵary. Eń joǵary ball – 134. 

«2024 jylǵy qańtar UBT-synyń qorytyndysy boıynsha talapkerler «Oqý saýattylyǵy» pánin óte jaqsy tapsyrdy. Ortasha eseppen, suraqtardyń 78%-yna durys jaýap berilgen. Al «Fızıkany» tapsyrǵan talapkerler tek 36%-y tapsyrmany durys oryndaǵan, olar úshin «Salystyrmalylyq teorııasynyń elementteri» taqyryby qıyn boldy», - dedi Naýjan Dıdarbekova.

Aıtýynsha, erekshe bilim berý qajettilikteri bar oqýǵa túsýshiler úshin qolaıly jaǵdaı jasaýdyń arqasynda qańtar UBT-syna 41 bala qatysty. Almatyda qańtar aıynda 21 myńnan astam adam UBT tapsyrdy. 

Aıta keteıik, buǵan deıin qańtar aıynda 134 myńǵa jýyq talapker UBT tapsyrǵanyn jazǵan bolatynbyz. Sondaı-aq talapkerlerge UBT ýaqytyn eske salatyn SMS-habarlama joldanatyny habarlandy.