Qant zaýyttaryna shıkizattyń 3 aılyq qoryn satyp alýǵa aqsha beriledi

NUR-SULTAN. QazAqparat – QR Premer-Mınıstriniń orynbasary-Saýda jáne ıntegratsııa mınıstri Serik Jumanǵarın Úkimet kýlýarynda qant naryǵyndaǵy aınalym shemasy qalaı ózgeretinin túsindirdi, dep habarlaıdy QazAqparat tilshisi.

«Úsh apta buryn ýede bergenimdeı, búgin men aýyl sharýashylyǵy taýarlaryn óndirýshileriniń jumysy boıynsha jańa shemany tanystyrdym. Búkil aqshany bir ýysqa shoǵyrlandyramyz. ıAǵnı, áńgime 50 mlrd teńge týraly bolyp otyr. Bizde 4 zaýyt bar. Olar jylyna 700 myń tonna qant óndire alady. Biraq qant qyzylshasynan emes, quraqtan jasaıdy. Qazaqstanǵa 530 myń tonna qant kerek. Sonda qajet bolsa, eksporttaı da alamyz. Biraq endi ol problemaly másele. Óıtkeni mańaıymyzdaǵy elderdiń bári qant óndiredi. Sondyqtan syrtqa satýymyz ekitalaı», -dedi mınıstr.

Onyń málimeti boıynsha, Qazaqstannyń ózindegi óndiris qýaty ishki naryqty qantpen qamtamasyz etýge tolyq jetedi.

«Halyq 230 myń tonnasyn ǵana tutynady. 200 myń tonnany shyryn óndirýshiler alady. Kondıterlik ónim óndirýshiler 80 myń tonna qant tutynady. Biz zaýyttarǵa 3 aıdyń shıkizatyn satyp alýǵa aqsha beremiz. Qazir ol jumysty uıymdastyryp jatyrmyz. Taǵy bir aptadan keıin zaýyttardyń shotyna qarjy túsedi. Olar brazılııalyq qant quraǵynyń 3 aılyq kólemin satyp alady. Bul atalǵan zaýyttar jyl boıy shıkizatpen qamsyzdandyrylady degen sóz», - dep túsindirdi Serik Jumanǵarın.

Aıtýynsha, zaýyt ıeleri mundaı shema shynymen iske assa, jyl boıy qan baǵasyn kótermeýge kelisip otyr.

«Olar osy shema jumys istese, jyl boıy qanttyń zaýyttaǵy baǵasyn ósirmeýge kepildik beremiz dep otyr. Aıtýlarynsha, eń joǵary baǵa 460 teńge bolady ıAǵnı, zaýyttan qant 460 teńgeden qymbatqa shyqpaıdy jáne ol qant búkil Qazaqstanǵa jetkilikti bolady. Balans qazir bylaı, 550-450 myń tonna shıkizatty ózimiz óndiremiz. 100 myń tonnany ımporttaımyz», - dedi Saýda jáne ıntegratsııa mınıstri.