Qant óndirýdi damytý jóninde keshendi jospar ázirlenedi – QR AShM
«Importty almastyrý máselesi keshendi túrde sheshiledi. Jalpy 2022 jyldyń sońyna deıin agroónerkásiptik keshendi damytý boıynsha 295 mlrd teńgege 237 ınvestıtsııalyq jobany iske asyrý josparlanyp otyr, onyń ishinde ımporttalatyn pozıtsııalardyń 6 túri boıynsha 128,5 mlrd teńgege 81 joba iske asyrylmaq. Bul úshin osy jobalarǵa jeńildetilgen kredıt berý, sýbsıdııalaý, jer resýrstary men ınfraqurylymdy berý qamtamasyz etiledi», - dedi mınıstr Úkimet úıinde ótken otyrysta.
Onyń aıtýynsha, eldi qantpen qamtamasyz etý maqsatynda jańa sýarmaly jerlerdi engizý, sý únemdeıtin sýarý tehnologııalaryn engizý, tuqym sharýashylyǵyn damytý, sondaı-aq qant qyzylshasyn óńdeıtin qolda bar qýattardy tehnıkalyq jáne tehnologııalyq qaıta jaraqtandyrý, qant zaýyttaryn salý men jańǵyrtý arqyly shıkizat bazasyn ulǵaıtýdy kózdeıtin Qant salasyn damytý jónindegi keshendi jospar ázirlenedi. Tıisinshe, qant salasyn memlekettik retteý men qoldaý sharalary kúsheıtiledi.
«Aq qant ımportynyń jáne quraq qant shıkizatynyń óńdeý kólemi ulǵaıtylady. Memleket basshysynyń tapsyrmasymen ishki naryqtaǵy baǵalardy turaqtandyrý maqsatynda Saýda jáne ıntegratsııa mınıstrligimen birlesip, «aınalym shemasy» sheńberinde, onyń ishinde forvardtyq kelisimsharttar tetigin damytý jónindegi jumysty jandandyrý jolymen aýyl sharýashylyǵy taýaryn óndirýshilerdi qarjylandyrýdyń basymdyǵy máselesi pysyqtalatyn bolady», - dedi E. Qarashókeev.
Keshe Úkimettiń keńeıtilgen otyrysynda Memleket basshysy Qasym-Jomart Toqaev qant tapshylyǵyn retteı almaǵan Saýda jáne ıntegratsııa mınıstri Baqyt Sultanov pen Aýyl sharýashylyǵy mınıstri Erbol Qarashókeevke sógis jarııalaǵan edi.