Qant qosylǵan sýsyndarǵa qosymsha salyq salý qandaı nátıje beredi

<p>ASTANA. KAZINFORM &ndash; Densaýlyq saqtaý birinshi vıtse-mınıstri Tımýr Sultanǵazıev qant bar sýsyndarǵa aktsız salyǵy shamamen qaı deńgeıde ósetinin aıtty.</p>

- 2026 jylǵa deıin densaýlyq saqtaý júıesin damytý kontseptsııasy bekitilgen bolatyn. Sonyń aıasynda tátti sýsyndarǵa salyq salý kózdelgen. Dúnıejúzilik bankpen birge sol salyqtyń túrin ekonomıkalyq jaǵynan zerttep jatyrmyz. Usynystardy ázirledik, ony Qarjy jáne Ulttyq ekonomıka mınıstrlikterine joldadyq. Qazir ortalyq organdar ony talqylanyp jatyr, - dedi T.Sultanǵazıev Senatta tilshiler suraǵyna jaýap bere otyryp.

Onyń aıtýynsha, usynys boıynsha aktsızdiń naqty somasy birtindep kóteriledi. Bul turǵyda aktsız (tátti sýsynnyń 1 lıtrine) shamamen 100 teńgege kóteriledi.

- Ókinishke qaraı qazir semizdikke shaldyǵyp jatqan balalar kóbeıip jatyr. 6-9 jas aralyǵyndaǵy balalardyń árbir 20 paıyzynda artyq salmaǵy bar, onyń 7 paıyzy semizdik aýrýyna shaldyqqan. Dúnıejúzilik bankpen birge jasaǵan modeldeý boıynsha tátti sýsyndardyń satylymy azaıady. Al taza sýdy satý kórsetkishi 40 paıyzǵa deıin joǵarylaıdy, - dedi vıtse-mınıstr.

Buǵan deıin densaýlyq saqtaýdy damytý tujyrymdamasyn iske asyrý aıasynda quramynda qanty bar sýsyndarǵa salyq engizý máselesi pysyqtalyp jatqany habarlandy.