Qant baǵasy 12,1 paıyzǵa qymbattady

ASTANA. QazAqparat - Jyl basynan bergi 7 aıda Qazaqstandaǵy ınflıatsııa kólemi 2,7 paıyzdy qurady, dep habarlaıdy QazAqparat QR UEM statıstıka komıtetine silteme jasap.

Baǵa azyq-túlik taýarlaryna bıylǵy jeti aıda - 2,5%, azyq-túlik emes taýarlarǵa - 3%, aqyly qyzmetterge 2,8%-ǵa ósti.

Aǵymdaǵy jyldyń basynan beri qyzylsha baǵasy - 35,7%, sábiz - 34,5%, qumsheker - 12,1%, máıekti irimshik - 8,1%, konservilengen sút - 7,1%, irimshik jáne súzbe - 6,3%, kofe - 5,8%, sary maı, et ónimderi - 4,5%-ǵa qymbattaǵan.

Baǵanyń tómendeýi qııarǵa - 57,3%, qyzanaqqa - 44,2%, sarymsaqqa - 26,7%, jumyrtqaǵa - 12,3%, tátti buryshqa - 10,4%, kartopqa 5,9%-ǵa tirkeldi.

Dızel otyny - 12,9%, ballondaǵy suıytylǵan gaz 4,8%-ǵa qymbattady, al benzın 2%-ǵa arzandady.

Qyzmetter qunyna kelsek, kabeldik televızııa qyzmeti - 9,1%-ǵa, quqyqtyq, jeke kólik quraldaryn saqtandyrý qyzmeti - 6%-ǵa, sanatorııler qyzmeti - 5,1%-ǵa qymbattady.

Turǵyn úı-kommýnaldyq qyzmetter salasynda tarıfter sýyq sýǵa - 4,4%, kárizge 3,2%-ǵa joǵarylady.