Qanshama qıyndyqty jeńgen Elbasy bul indetke moıymaıdy dep senemiz – kásipker Murat Taǵaev

TÚRKІSTAN. QazAqparat – Túrkistan oblysy Ordabasy aýdanynda turatyn kásipker, «Ordabasy qus» kompanııasynyń basshysy Murat Taǵaev Elbasynyń tezirek saýyǵyp ketýine tilektestigin bildirdi. Kásipker tosynnan kelgen indettiń Tuńǵysh Prezıdent Nursultan Nazarbaevty aınalyp ketpeýi árbir azamatqa saqtyq sharalaryn qolǵa alý kerektiginin kórsetetinin aıtady, dep habarlaıdy QazAqparat tilshisi.

«Búgingi Elbasy týraly habar men úshin kútpegen habar boldy desem bolady. Sebebi, bizdiń memleketimizdiń negizin qalaýshy Tuńǵysh Prezıdentimiz — Ult kóshbasshysynyń búkil jer betindegi adamzat balasyna tosynnan kelip otyrǵan indetke shaldyǵýy alańdaýshylyq týǵyzyp otyr. Pandemııanyń ol kisini de aınalyp ótpegeni saqtyq sharalarymyzdy budan da ary qaraı qolǵa alý kerektigin kórsetedi. Ár azamattyń bul aýrýǵa nemquraıdy qaramaý kerektigin ańǵartady. Bul rette Nursultan Nazarbaevqa tezirek saýyǵyp ketýin tilep, búgingi kúni osyndaı ekonomıkalyq kezeńdegi eldegi qıynshylyqtardy jeńýge birge atsalysady dep senemin. Osyndaı qıyn-qystaý kezeńde ol kisiniń bizge keńesiniń kerek ekenin aıtqym keledi. El basqarǵan jyldary qanshama qıynshylyqtardy jeńe bilgen Elbasy bul indetke moıymaıdy degen úmittemin. Aldymyzda ol kisiniń úlken merekesi kele jatyr, sol merekede Elbasyny jaqsy kóńilmenen qarsy alaıyq. Deniniń saýyǵyp ketýine shyn júregimmen tilektespin»,- deıdi Murat Taǵaev.