Qansha sheteldik Qazaqstan azamattyǵyn jeńildetilgen tártippen aldy

ASTANA. QazAqparat – Іshki ister mınıstrligi sońǵy 5 jylda Qazaqstan azamattyǵyn jeńildetilgen tártippen alǵan shetel azamattaryna qatysty derekpen bólisti, dep habarlaıdy QazAqparat tilshisi.

«Qazaqstan Respýblıkasynyń azamattyǵyna qabyldaýdyń ońaılatylǵan tártibi belgilenetin adamdar úshin kásipterdiń tizbesin jáne olarǵa qoıylatyn talaptardy bekitý týraly» Qazaqstan Respýblıkasy Prezıdentiniń 2005 jylǵy 6 maýsymdaǵy № 1587 Jarlyǵyna sáıkes eger beıindi vedomstvonyń qoldaýhaty bolǵan jaǵdaıda sportshylar jáne bilim, ǵylym, densaýlyq saqtaý salasyndaǵy, IT jáne basqa da baǵyttar salasyndaǵy baǵaly sheber mamandar Qazaqstan Respýblıkasynyń azamattyǵyna jeńildetilgen tártippen qabyladanady», - dep atap ótedi mınıstrlikten agenttiktiń resmı saýalyna bergen jaýabynda.

Osy rette vedomstvo sońǵy 5 jylda jeńildetilgen tártippin Qazaqstan azamattyǵyn alǵan sheteldikterge qatysty málimetpen bólisti.

«Sońǵy bes jylda Qazaqstan Respýblıkasy Prezıdentiniń Jarlyǵymen osy sanatqa jatatyn 364 adam (2022 jyly – 2, 2021 jyly – 97, 2020 jyly – 12, 2019 jyly – 192, 2018 jyly – 61) Qazaqstan azamattyǵyn ońaılatylǵan tártippen aldy», - dep naqtylaıdy mınıstrlikten.