Qansha muǵalim men kúsh qurylymdardyń qyzmetkerine vaktsına salynǵany belgili boldy

NUR-SULTAN. QazAqparat – QR DSM sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova elimizde qansha muǵalim men kúsh qurylymdardyń qyzmetkerine KVI-ge qarsy vaktsına salynǵanyn málim etti, dep habarlaıdy QazAqparat tilshisi.

Óńirlerge vaktsınanyń ekinshi partııasyn jetkizý júrip jatqanyna toqtalǵan ol, jalpy medıtsına qyzmetkerlerin vaktsınalaý jalǵasyp jatqanyn aıtty.

«Pedagogtardy vaktsınalaý da bastaldy. Búgin tańerteńgi jaǵdaı boıynsha 458 pedagogqa ekpe jasaldy», - dedi Aıjan Esmaǵambetova.

Budan bólek qazirgi kezde ol kúsh qurylymdarynyń 275 qyzmetkerine vaktsına jasalǵanyn naqtylady.

«Kúsh qurylymdardyń arasynda vaktsınadan bas tartý oqıǵalary tirkelmedi», - dedi komıtet basshysy.

Budan buryn habarlanǵandaı, brıfıng barysynda Qazaqstanda salynatyn medıtsınalyq nysandar týraly aıtyldy.

5 jylda 487-den astam jańa MSAK obektileri salynady jáne osy 2021 jyly 211 nysannyń qurylysy josparlanýda, onyń ishinde 83 medıtsınalyq pýnkt, 70 feldsherlik-akýsherlik pýnkt, 57 dárigerlik ambýlatorııa jáne 1 emhana qamtylady.