Kann kınofestıvaliniń jeńimpazdary anyqtaldy

PARIJ. TASS – QazAqparat – Frantsýzdyq rejısser Jıýstın Trıe «Traektorııa padenııa» (2023) fılmi úshin 76-ynshy Kann festıvaliniń joǵary nagradasyna ıe boldy, dep habarlaıdy QazAqparat Euronews-ke silteme jasap.

Fılmde óz kúıeýin óltirdi dep kúdik keltirilgen jazýshy týraly aıtylady. Basty róldi nemis aktrısasy Sandra Hıýler somdady.

44 jastaǵy J.Trıe «bul júldeni óz kınosyn túsire almaı júrgen barlyq jas áriptesterine arnaıtynyn» aıtty. «Meniń buǵan 15 jyl ýaqytym ketti», - dedi ol.

Kınofestıvaldiń Gran-prıi – Kann marapatynyń ekinshi dárejeli syılyǵy brıtandyq rejısser Djonatan Gleızerge berildi. Ol nagradany «Zona ınteresa» (2023) fılmi úshin aldy. Syılyqty D.Gleızerge Kann festıvali ardagerleriniń biri, amerıkalyq kınorejısser, stsenarıst ári prodıýser Kventın Tarantıno tabystady.

«Úzdik stsenarıst» marapatyna japondyq dramatýrg ıÝdzı Sakamato ıe boldy. Ol japondyq rejısser Hırokadzý Koreedanyń «Chýdovışe» (2023) fılmin túsirýge eńbektendi.

Qazylar alqasynyń syılyǵyn fındik rejısser Akı Kaýrısmıakıdiń «Mertvye lıstıa» (2023) kartınasy aldy.

Frantsýzdyq rejısser Chan An Hýngke «Strast Dodena Býffana» (2023) fılmi úshin «Úzdik qoıylym» syılyǵy berildi.

Úzdik akter retinde bıyl túrik aktrısasy Merve Dızdar men japondyq akter Kodzı ıAkýse tanyldy. M.Dızdar Shyǵys Anatolııadaǵy mektep oqytýshysy týraly fılmde oınady. Al K.ıAkýse syılyqty nemis rejısseri Vım Venderstiń «Idealnye dnı» (2023) kartınasyndaǵy róli úshin aldy. Onda ol Tokıodan kelgen dárethana tazalyqshysy rólin oınady.

Aıta keteıik, bıyl Kann syılyǵy úshin 21 kınolenta talasqa tústi. Qazylar alqasyna shved rejısseri Rýben Estlýnd tóraǵalyq etti.