Qańǵybas ıtterdi soıyp, etin satqan aqmolalyq ustaldy
21:35, 23 Aqpan 2023
KÓKShETAÝ. QazAqparat – Qańǵybas ıtterdi aýlap, etin satýmen aınalysqan Aqmola oblysynyń 41 jastaǵy turǵynyn ustaldy. Polıtsııa qyzmetkerleri kúdiktini volonterlermen birlesip qolǵa túsirgen, dep habarlaıdy QazAqparat tilshisi.
«Janýarlarǵa qatygezdik tanytý deregimen Qylmystyq kodekstiń 316-baby boıynsha sotqa deıingi tergeý amaldary bastaldy. Er adamnyń turǵylyqty jerin tekserý barysynda jalpy salmaǵy 750 kelige jýyq soıylǵan 50 ıttiń óleksesi tabyldy. Qajetti saraptamalar taǵaıyndaldy. Tergeýge múddeli memlekettik organdar tartyldy. Qylmystyq-protsestik zańnamanyń talaptaryna sáıkes tergeýdiń ózge mán-jaılary jarııa etilmeıdi», - delingen Astana qalasy Polıtsııa departamentiniń baspasóz qyzmetine usynǵan málimette.